ജില്ലയില്‍ ശനിയാഴ്ച്ച 178 പേരെ പുതുതായി നിരീക്ഷണത്തിക്കിയിട്ടുണ്ട്. നിലവില്‍ 3628 പേരാണ് നിരീക്ഷണത്തിലുളളത്. ഇതില്‍ 1500 പേര്‍ കോവിഡ് കെയര്‍ സെന്ററിലാണ് കഴിയുന്നത്. ജില്ലയില്‍ നിന്നും ഇതുവരെ പരിശോധനയ്ക്ക് അയച്ച 1537 സാമ്പിളുകളില്‍ 1336 എണ്ണത്തിന്റെ ഫലം ലഭിച്ചു. ഇതില്‍ 1313 എണ്ണം നെഗറ്റീവാണ്. ശനിയാഴ്ച്ച അയച്ച 38 സാമ്പിളുകളുടെ പരിശോധനാ ഫലം ഉള്‍പ്പെടെ 194 സാമ്പിളുകളുടെ ഫലം ലഭിക്കുവാന്‍ ബാക്കിയുണ്ട്. സെന്റിനല്‍ സര്‍വൈലന്‍സിന്റെ ഭാഗമായി ഇന്നലെ 30 സാമ്പിളുകള്‍ കൂടി അയച്ചിട്ടുണ്ട്. ജില്ലാ മാനസികാരോഗ്യ പരിപാടിയുടെ നേതൃത്വത്തില്‍ ശനിയാഴ്ച്ച നിരീക്ഷണത്തില്‍ കഴിയുന്ന 330 പേര്‍ക്ക് കൗണ്‍സിലിംഗും നല്‍കി.
