എസ്.എസ്.എല്‍.സി, ഹയര്‍ സെക്കന്ററി പരീക്ഷ എഴുതുന്ന തിരുനെല്ലി ഗ്രാമപഞ്ചായത്ത് തൃശിലേരി ഗേള്‍സ് ട്രൈബല്‍ ഹോസ്റ്റല്‍, കാട്ടിക്കുളം ബോയ്‌സ് ട്രൈബല്‍ ഹോസ്റ്റല്‍, തിരുനെല്ലി ഗവ: ആശ്രമം സ്‌ക്കൂള്‍ ഹോസ്റ്റല്‍ എന്നിവിടങ്ങളിലെ കുട്ടികള്‍ക്ക് രോഗ പ്രതിരോധശേഷി വര്‍ധിക്കുവാന്‍ ഹോമിയോ ഇമ്മ്യൂണ്‍ ബൂസ്റ്റര്‍ നല്‍കി. വയനാട് ജില്ല ഹോമിയോ മെഡിക്കല്‍ ഓഫീസര്‍ ഡോ.കവിത പുരുഷോത്തമന്റെ നേതൃത്വത്തിലാണ് രോഗ പ്രതിരോധ പ്രവര്‍ത്തനങ്ങള്‍ നടത്തിയത്.തിരുനെല്ലി ഗ്രാമപഞ്ചായത്ത് ഹോമിയോ മെഡിക്കല്‍ ഓഫീസര്‍ ഡോ. ബീന ജോസില്‍ നിന്നും ട്രൈബല്‍ എക്സ്റ്റന്‍ഷന്‍ ഓഫീസര്‍ നജ്മുദ്ധീന്‍ മരുന്നുകള്‍ ,സാനിറ്റൈസര്‍ എന്നിവ സ്വീകരിച്ചു. തിരുനെല്ലി ഗ്രാമപഞ്ചായത്ത് ട്രൈബല്‍ കോളനികള്‍ക്ക് രോഗ പ്രതിരോധശേഷി കൂട്ടുന്നതിനുള്ള ഹോമിയോ ഇമ്മ്യൂണ്‍ ബൂസ്റ്റര്‍ രണ്ടാം ഡോസ് മരുന്നുകള്‍ തിരുനെല്ലി ഗ്രാമപഞ്ചായത്ത് ഹോമിയോ മെഡിക്കല്‍ ഓഫീസര്‍ ഡോ. ബീന ജോസില്‍ നിന്നും തിരുനെല്ലി ഗ്രാമപഞ്ചായത്ത് ആദിവാസി സമഗ്ര വികസന പദ്ധതി കോര്‍ഡിനേറ്റര്‍ സായ് കൃഷ്ണന്‍ ഏറ്റുവാങ്ങി.
