കാട്ടുതീ ഭീഷണി പ്രതിരോധ പ്രവര്‍ത്തനങ്ങള്‍ ഊര്‍ജ്ജിതമാക്കി വനംവകുപ്പ്.വയനാട് വന്യജീവിസങ്കേതവുമായി അതിര്‍ത്തി പങ്കിടുന്ന കര്‍ണ്ണാടകയിലെ നാഗര്‍ഹോള, ബന്ദപ്പൂര്‍് സങ്കേതങ്ങള്‍, തമിഴ്നാട്ടിലെ മുതമല വന്യജീവിസങ്കേതം എന്നിവയോട് ചേര്‍ന്നാണ് നൂറുകിലോമീറ്റര്‍ ദൂരത്തില്‍ ഫയര്‍ ലൈനുകള്‍ സ്ഥാപിക്കുന്ന പ്രവര്‍ത്തി പൂര്‍ത്തിയായി കൊണ്ടിരിക്കുന്നത്. കൂടാതെ ദേശീയ- സംസ്ഥാന പാതയോരങ്ങളിലും കാടും നാടും വേര്‍തിരിച്ച് മൂന്നുമീറ്റര്‍ വീതിയില്‍ ഫയര്‍ലൈനുകള്‍ സ്ഥാപിക്കുന്നുണ്ട്. ഇതിനുപുറമെ വനത്തിനുള്ളില്‍ മച്ചാനുകള്‍ സ്ഥാപിച്ചിട്ടുണ്ട്. കാട്ടുതീ ഭീഷണി ഉണ്ടായാല്‍ വേഗത്തില്‍ മറ്റിടങ്ങളില്‍ വിവരം അറിയിക്കുന്നതിനു മറ്റും വയര്‍ലെസ് സെറ്റുകളും കൂടുതല്‍ ഫയര്‍വാച്ചര്‍മാരെ നിയോഗിച്ചുമാണ് കാട്ടുതീ പ്രതിരോധ പ്രവര്‍ത്തനങ്ങള്‍ പുരോഗമിക്കുന്നത്. അതിര്‍ത്തി സംസ്ഥാനങ്ങളിലെ വനംവകുപ്പുമായി സംയോജിച്ചുള്ള കാട്ടുതീ പ്രതിരോധ പ്രവര്‍ത്തനങ്ങള്‍ക്കുമാണ് ഊന്നല്‍ നല്‍കിയിരിക്കുന്നത്.
