വയനാട് മെഡിക്കല്‍ കോളേജ് നിര്‍മ്മാണത്തിനായി ചുണ്ടേല്‍ എസ്റ്റേറ്റിന്റെ 50 ഏക്കര്‍ ഭൂമി ഏറ്റെടുക്കല്‍ നടപടിയുമായി മുന്നോട്ട് പോകാന്‍ വയനാട് ജില്ലാ കലക്ടര്‍ക്ക് സംസ്ഥാന സര്‍ക്കാര്‍ അനുമതി നല്‍കി.സംസ്ഥാന റവന്യൂ (ബി) വകുപ്പ് ഇത് സംബന്ധിച്ച് ബുധനാഴ്ച ഉത്തരവിറക്കി. സാമൂഹികാഘാത പഠന റിപ്പോര്‍ട്ടിന്റെയും വയനാട് ജില്ലാ കലക്ടറുടെയും റിപ്പോര്‍ട്ടിന്റെ അടിസ്ഥാനത്തിലാണ് 2013 ലെ ഭൂമി ഏറ്റെടുക്കല്‍ (ആര്‍.ആര്‍) അനുസരിച്ച് ചുണ്ടേല്‍ എസ്റ്റേറ്റിന്റെ ഭൂമി ഏറ്റെടുക്കല്‍ നടപടി വേഗത്തിലാക്കാന്‍ ഉത്തരവിറക്കിയത്.
