മുഴുവന്‍ വീടുകളിലും ബ്രോഡ്ബാന്റ് എന്ന മുദ്രാവാക്യമുയര്‍ത്തി കേബിള്‍ ടി.വി ഓപ്പറേറ്റേഴ്‌സ് അസോസിയേഷന്‍ ബത്തേരി മേഖലാ സമ്മേളനം സമാപിച്ചു. കേബിള്‍ ടി.വി മേഖലയില്‍ ഇന്റര്‍നെറ്റിന്റെ സാധ്യത വ്യാപിക്കുന്നതിനെകുറിച്ച് സമ്മേളനം ചര്‍ച്ച ചെയ്തു.പുതിയ മേഖലാ ഭാരവാഹികളായി അരവിന്ദന്‍ വടുവഞ്ചാല്‍(പ്രസിഡന്റ്),സി.എച് അബ്ദുള്ള(സെക്രട്ടറി),ബിനേഷ് മാത്യു(ട്രഷറര്‍),സുനീഷ് കുര്യാക്കോസ്(വൈസ് പ്രസിഡന്റ്),ബ്രിജുരാജ്(ജോയിന്റ് സെക്രട്ടറി) എന്നിവരെ തെരെഞ്ഞെടുത്തു.രാവിലെ അമ്പലവയല്‍ റോയല്‍ റസിഡന്‍സിയില്‍ ബത്തേരി മേഖലാ പ്രസിഡണ്ട് സജി ദേവസ്യ പതാക ഉയര്‍ത്തിയതോടെയാണ് സമ്മേളനത്തിന് തുടക്കമായത്. സംസ്ഥാന കമ്മിറ്റിയംഗം മന്‍സൂര്‍ സമ്മേളനം ഉദ്ഘാടനം ചെയ്തു. ബത്തേരി മേഖല പ്രസിഡണ്ട് സജി ദേവസ്യ അധ്യക്ഷനായിരുന്നു. മേഖലാ ജോയിന്റ് സെക്രട്ടറി ബിനേഷ് മാത്യു സ്വാഗതം പറഞ്ഞു. സംസ്ഥാന കമ്മിറ്റിയംഗം കെ.ഗോവിന്ദന്‍, ജില്ലാ സെക്രട്ടറി പി.എം ഏലിയാസ്,ജില്ലാ പ്രസിഡന്റ് അബ്ദുള്‍ അസീസ് തുടങ്ങിയവര്‍ സംസാരിച്ചു.
