നെഹ്‌റു യുവകേന്ദ്രയുടെ ആഭിമുഖ്യത്തില്‍ കൊയിലേരി ഉദയ വായനശാലയുടെ സഹകരണത്തോടെ നടത്തുന്ന ത്രിദിന നേതൃത്വ പരിശീലന സഹവാസ ക്യാമ്പ് പയ്യംമ്പള്ളിയില്‍ തുടങ്ങി.നവംബര്‍ 22 മുതല്‍ 24 വരെ പയ്യംമ്പള്ളി വില്ലോഹട്ട് റിസോര്‍ട്ടില്‍ നടക്കുന്ന ക്യാമ്പ് നഗരസഭാ ചെയര്‍മാന്‍ വി.ആര്‍.പ്രവീജ് ഉദ്ഘാടനം ചെയ്തു.എന്‍.വൈ.കെ.ജില്ലാ കോ-ഓഡിനേറ്റര്‍ ആര്‍.എസ്.ഹരി അദ്ധ്യക്ഷത വഹിച്ചു. ഡിവിഷന്‍ കൗണ്‍സിലര്‍ മിനി വിജയന്‍, ഉദയ വായനശാല പ്രസിഡന്റ് കമ്മനമോഹനന്‍, പി.ജയപ്രകാശ്, കെ.എ.അഭിജിത്ത്, സൂരജ് റാം തുടങ്ങിയവര്‍ സംസാരിച്ചു. ജവഹര്‍ലാല്‍ നെഹ്‌റു-ആധുനിക ഇന്ത്യയുടെ ശില്പി എന്ന വിഷയത്തില്‍ മംഗലശ്ശേരി ചന്ദ്രന്‍ മാസ്റ്റര്‍ ക്ലാസ്സ് എടുത്തു.മൂന്ന് ദിവസങ്ങളിലായി നടക്കുന്ന ക്യാമ്പിന്റെ ഭാഗമായി കോളനി സന്ദര്‍ശനം – അവലോകനം, വിനോദവിജ്ഞാന പരിപാടി, കവിതയുടെ വര്‍ത്തമാനം, വ്യാവസായ സംരംഭങ്ങളെ കുറിച്ച് വിശദീകരണം, കാര്‍ഷിക സംരംഭക ക്ലാസ്സുകള്‍ തുടങ്ങിയവ നടക്കും
