സര്‍വ്വജന സ്‌കൂളില്‍ വിദ്യാര്‍ത്ഥിനി പാമ്പ് കടിയേറ്റ് മരിച്ച സംഭവത്തില്‍ ബത്തേരി താലൂക്ക് ആശുപത്രി അധികൃതര്‍ക്ക് വീഴ്ച സംഭവിച്ചെന്നാരോപിച്ചും, ആരോപണ വിധേയരായവര്‍ക്കെതിരെ ശക്തമായ നടപടിയെടുക്കണമെന്നാവശ്യപ്പെട്ടും ബിജെപി നിയോജകമണ്ഡലം കമ്മിറ്റിയുടെ നേതൃത്വത്തില്‍ താലൂക്ക് ആശുപത്രിയിലേക്ക് പ്രതിഷേധ മാര്‍ച്ച് നടത്തി. മാര്‍ച്ച് ആശുപത്രി ഗേറ്റിന് സമീപം പൊലീസ് തടഞ്ഞത് നേരിയ സംഘര്‍ഷത്തിന് ഇടയാക്കി. പ്രതിഷേധ പരിപാടി ബിജെപി ജില്ലാ അധ്യക്ഷന്‍ സജി ശങ്കര്‍ ഉദ്ഘാടനം ചെയ്തു. സംഭവത്തില്‍ സര്‍ക്കാരാണ് കുറ്റക്കാരാണെന്നും ഇത് ഒരിക്കലും അംഗീകരിക്കാന്‍ കഴിയില്ലന്നും അദ്ദേഹം പറഞ്ഞു. നടപടി ഇല്ലങ്കില്‍ തുടര്‍ സമരവുമായി രംഗത്തിറങ്ങുമെന്ന് അദ്ദേഹം പറഞ്ഞു. പ്രതിഷേധ പരിപാടിയില്‍ നിയോജക മണ്ഡലം പ്രസിഡണ്ട് പി എം അരവിന്ദന്‍ അധ്യക്ഷനായിരുന്നു.കെ മോഹന്‍ദാസ്, പി പ്രശാന്ത്, കെ സി കൃഷ്ണന്‍കുട്ടി, സി. ആര്‍ ഷാജി, രാധ സുരേഷ് ബാബു, സാവിത്രി കൃഷ്ണന്‍കുട്ടി തുടങ്ങിയവര്‍ സംസാരിച്ചു.
