ദുരന്തനിവാരണ അതോറിട്ടിയുടെ നിര്‍ദ്ദേശപ്രകാരം പ്രവര്‍ത്തനം നിര്‍ത്തിവെച്ച വയനാട് ജില്ലയിലെ നാല് ക്വാറികള്‍ തുറന്ന് പ്രവര്‍ത്തിക്കാന്‍ ദുരന്ത നിവാരണ അതോറിട്ടി ചെയര്‍മാന്‍ കൂടിയായ ജില്ലാ കളക്ടര്‍ അനുമതി നല്‍കി. ക്വാറികള്‍ സ്ഥിതിചെയ്യുന്ന പരിസരങ്ങളെ കുറിച്ചും മറ്റും വിദഗ്ധ സമിതി നടത്തിയ പരിശോധന റിപ്പോര്‍ട്ടുകളുടെ അടിസ്ഥാനത്തിലാണ് കളക്ടറുടെ ഉത്തരവ്. വെങ്ങപ്പള്ളിയിലെ വയനാട് ഗ്രാനൈറ്റ്സ്,വയനാട് മെറ്റല്‍സ്,എംഎംടി കണ്‍സ്ട്രക്ഷന്‍ കമ്പനി,അനുഗ്രഹ ക്വാറി യൂണിറ്റ് എന്നിവയ്ക്കാണ് പ്രവര്‍ത്തനാനുമതി ലഭിച്ചിരിക്കുന്നത്.
