ബൈക്ക് റൈഡിംഗിനു പോയ സംഘത്തിലെ യുവാവ് ഗുണ്ടല്‍പേട്ടയില്‍ അപകടത്തില്‍പ്പെട്ട് മരിച്ചു. ബത്തേരി ചെതലയം കൂത്തോടിയില്‍ ദിവാകരന്റെ മകന്‍ തുഷാര്‍ (19) ആണ് മരിച്ചത്. ഗുണ്ടല്‍പേട്ട ടൗണിനു സമീപം ഗോപാല്‍സ്വാമി ക്ഷേത്രത്തിലേക്കുള്ള യാത്രക്കിടയില്‍ ഊട്ടി റോഡിലാണ് അപകടം. എതിരെ വന്ന കാറുമായി കൂട്ടിയിടിക്കുകയായിരുന്നു. രാവിലെ 10 മണിക്ക് കല്‍പ്പറ്റയില്‍ നിന്നാണ് മുപ്പതംഗ സംഘം യാത്ര തിരിച്ചത്. തുഷാര്‍ മീനങ്ങാടിയില്‍ വെച്ചാണ് സംഘത്തില്‍ ചേര്‍ന്നത്.കെ.എസ്.ആര്‍.ടി.സി ബത്തേരി ഡിപ്പോയിലെ ഡ്രൈവറാണ് ദിവാകരന്‍. അമ്മ ബിന്ദു. ഏക മകനാണ് തുഷാര്‍.
