ബത്തേരി മൂലങ്കാവ് കാരശ്ശേരിയില്‍ വീടിനോട് ചേര്‍ന്നുള്ള ഷെഡ്ഡിലാണ് വാറ്റുകേന്ദ്രം പ്രവര്‍ത്തിച്ചിരുന്നത്.ഇവിടെ നിന്നും ചാരായം വാറ്റുവാന്‍ പാകപ്പെടുത്തിയ 150 ലിറ്റര്‍ വാഷും,വാറ്റിവെച്ചിരുന്ന 10 ലിറ്റര്‍ ചാരായവും വാറ്റുപകരണങ്ങളും കണ്ടെടുത്തു.സംഭവവുമായി ബന്ധപ്പെട്ട് കാരശ്ശേരി ആവേത്തുംകുടി പ്രഭാകരനെ(52) അറസ്റ്റു ചെയ്തു.ഇയാള്‍ വിവാഹത്തിനും,മറ്റു പാര്‍ട്ടികള്‍ക്കും ഓര്‍ഡര്‍ അനുസരിച്ച് ചാരായം മൊത്തമായി നിര്‍മ്മിച്ചു നല്‍കി വരികയായിരുന്നു.പ്രതിയെ കോടതിയില്‍ ഹാജരാക്കി റിമാണ്ട് ചെയ്തു.അസിസ്റ്റന്റ് എക്സൈസ് ഇന്‍സ്പെക്ടര്‍ വി.കെ. മണികണ്ഠന്റെ നേതൃത്വത്തില്‍ നടത്തിയ റെയ്ഡില്‍,സിവില്‍ എക്സൈസ് ഓഫീസര്‍മാരായ ഹരിദാസ്,അനില്‍കുമാര്‍,അനീഷ്,ശിവന്‍,വനിത സിവില്‍ എക്സൈസ് ഓഫീസര്‍മാരായ വിബിത,പൗര്‍ണ്ണമി,ഡ്രൈവര്‍ ചാക്കോ എന്നിവര്‍ പങ്കെടുത്തു.രഹസ്യവിവരത്തിന്റെ അടിസ്ഥാനത്തിലാണ് സ്ഥലത്ത് പരിശോധന നടത്തിയത്.
