ബ്രഹ്മഗിരി മാംസ സംസ്‌കരണ ഫാക്ടറിയിലേക്ക് എരുമകളുമായി ആന്ധ്രയില്‍ നിന്നെത്തിയ ലോറി മറിഞ്ഞ് 10 എരുമകള്‍ ചത്തു. ലോറിയില്‍ അവശേഷിച്ച 15 ഉരുക്കളെ ഫാക്ടറി ജീവനക്കാര്‍ രക്ഷപ്പെടുത്തി. ലോറി ഡ്രൈവര്‍ക്ക് പരുക്ക്. നെന്‍മേനി മലവയലിലെ ബ്രഹ്മഗിരി മാംസ സംസ്‌കരണ ഫാക്ടറിയിലേക്ക് 25 എരുമകളുമായി ആന്ധ്രയില്‍ നിന്നെത്തിയ ലോംഗ് ചേസിസ് ലോറി ഇന്നു കാലത്ത് ഫാക്ടറിക്ക് സമീപത്തെ തോട്ടിലേക്ക് നിയന്ത്രണം വിട്ട് മറിയുകയായിരുന്നു. അപകടത്തില്‍ 10 എരുമകള്‍ ചത്തു. ബാക്കിയുള്ളവയെ ഫാക്ടറി തൊഴിലാളികള്‍ രക്ഷപ്പെടുത്തി. 5 ലക്ഷം രൂപയുടെ നഷ്ടം കണക്കാക്കുന്നു. അപകടത്തില്‍ പരിക്കേറ്റ ലോറി ഡ്രൈവര്‍ രാജുവിനെ ബത്തേരി താലൂക്കാശുപത്രിയില്‍ പ്രവേശിപ്പിച്ചു. റോഡിന്റെ വീതിക്കുറവും ലോറിയുടെ നീളമേറിയ ചേസിസുമാണ് അപകടത്തിനു കാരണമെന്നറിയുന്നു. കഴിഞ്ഞ വര്‍ഷവും ഇതേ സ്ഥലത്ത് ലോറി മറിഞ്ഞ് 15 ഏളം ഉരുക്കള്‍ ചത്ത സംഭവം ഉണ്ടായിരുന്നു.
