വയനാട് പുത്തുമലയില്‍ കഴിഞ്ഞ 18ന് കണ്ടെത്തിയ മൃതദേഹം തമിഴ്നാട് സ്വദേശി ഗൗരീശങ്കറിന്റേതെന്നു ഡിഎന്‍എ പരിശോധനാഫലം. പുത്തുമലയില്‍ കാണാതായ അണ്ണയ്യന്റേതാണെന്നു ബന്ധുക്കള്‍ അവകാശവാദമുന്നയിച്ചതിനെത്തുടര്‍ന്ന് മൃതദേഹം നേരത്തെ സംസ്‌കാരത്തിനായി വിട്ടുകൊടുത്തിരുന്നു.മേപ്പാടി ശ്മശാനത്തില്‍ സംസ്‌കാരച്ചടങ്ങിനു തൊട്ട് മുമ്പ് ഗൗരീശങ്കറിന്റെ ബന്ധുക്കള്‍ സംശയവുമായി രംഗത്തെത്തുകയായിരുന്നു.മേപ്പാടി ഡിഎം വിംസില്‍ ഫ്രീസറില്‍ സൂക്ഷിച്ചിരിക്കുന്ന മൃതദേഹം ഉച്ചതിരിഞ്ഞ് 3 മണിയോടെ ബന്ധുക്കള്‍ക്ക് കൈമാറും.
