ഹിരോഷിമാ ദിനത്തോട് അനുബന്ധിച്ച് യുദ്ധവിരുദ്ധ സന്ദേശവുമായി വിദ്യാര്‍ത്ഥികള്‍ നടത്തിയ പരിപാടികള്‍ ശ്രദ്ധേയമായി. തെരുവുനാടകവും സമാധാനത്തിന് ഒരു കൈയ്യൊപ്പുമായി ബത്തേരി പൂമല ഗവ. എല്‍. പി സ്‌കൂള്‍ വിദ്യാര്‍ത്ഥികളാണ് യുദ്ധവിരുദ്ധ സന്ദേശവുമായി രംഗത്തെത്തിയത്.വിദ്യാര്‍ത്ഥികളുടെ യുദ്ധവിരുദ്ധ സന്ദേശ പരിപാടികള്‍ കാണാനായി രക്ഷിതാക്കളടക്കം എത്തിയിരുന്നു. പരിപാടിയുടെ ഉദ്ഘാടനം നഗരസഭ ചെയര്‍മാന്‍ ടി എല്‍ സാബു നിര്‍വ്വഹിച്ചു. ഡിവിഷന്‍ കൗണ്‍സിലര്‍ പി. പി അയ്യൂബ് അധ്യക്ഷനായിരുന്നു. പി. റ്റി എ പ്രസിഡണ്ട് അനില്‍ എസ് നായരും അധ്യാപകരും പരിപാടികള്‍ക്ക് നേതൃത്വം വഹിച്ചു.
