കേരളാ കര്‍ണാടക അതിര്‍ത്തിയിലെ പാറക്കടവ്, വണ്ടിക്കടവ്, മാടപ്പളളിക്കുന്ന്, കാപ്പിസെറ്റ്‌മേഖലകളിലെ വന്യമൃഗശല്യത്തിന് ശാശ്വത പരിഹാരം കാണണമെന്നാവശ്യപ്പെട്ട് ജനപ്രതിനിധികളുടെയും വനം വകുപ്പ് ഉദ്യേഗസ്ഥരുടെയും കര്‍ഷകരുടെയും നേതൃത്വത്തില്‍ പാറക്കടവില്‍ സര്‍വ്വകക്ഷിയോഗം ചേര്‍ന്നു. ഐ.സി ബാലകൃഷ്ണന്‍ എം.എല്‍ എ ഉല്‍ഘാടനം ചെയ്തു. ഗ്രാമപഞ്ചായത്ത് പ്രസിഡണ്ട് ഗിരിജാ കൃഷ്ണന്‍ അദ്ധ്യക്ഷയായിരുന്നു. ബ്ലോക്ക് പഞ്ചായത്ത് പ്രസിഡണ്ട് ടി.എസ് ദിലിപ് കുമാര്‍, ഗ്രാമപഞ്ചായത്ത് വൈസ് പ്രസിഡണ്ട് ശിവരാമന്‍ പാറക്കുഴി, ഗ്രാമ പഞ്ചായത്തംഗങ്ങളായ സിനി രാജന്‍, റീജ ജഗദേവന്‍’, അനില്‍ മോന്‍, ബിജു പുലക്കുടി തുടങ്ങിയവര്‍ സംസാരിച്ചു.
