ആദിവാസി യുവതിയെ ഭീഷണിപ്പെടുത്തി പീഢിപ്പിച്ചെന്ന പരാതി അധ്യാപകനെ അറസ്റ്റ് ചെയ്തു
പനമരം പോലീസ് സ്റ്റേഷന്‍ പരിധിയിലെ ആദിവാസി യുവതിയെ ഭീഷണിപ്പെടുത്തി പീഢിപ്പിച്ചെന്ന പരാതിയുടെ അടിസ്ഥാനത്തില്‍ എയിഡഡ് യു.പി സ്‌കൂള്‍ അധ്യാപകനെ പോലീസ് അറസ്റ്റ് ചെയ്തു.
പനമരം അഞ്ചുകുന്ന് കാപ്പുകുന്നില്‍ അശ്വിന്‍ നിവാസിലെ അശ്വിന്‍ എ പ്രസാദ് (32)നെയാണ് അറസ്റ്റ് ചെയ്തത്. ഒളിവില്‍ പോയ ഇയാള്‍ ശനിയാഴ്ച്ച തൃശ്ശൂര്‍ പോലീസില്‍ കീഴടങ്ങി. തുടര്‍ന്ന് പനമരം പോലീസ് സ്‌റ്റേഷനിലെത്തിച്ച് അറസ്റ്റ് രേഖപ്പെടുത്തി.പോലീസ് അറസ്റ്റ് ചെയ്ത സാഹചര്യത്തില്‍ ഇയാളെ സ്‌കൂളില്‍ നിന്ന് സസ്‌പെന്റ് ചെയ്തതായി സ്‌കൂള്‍ മാനേജ്‌മെന്റ് അറിയിച്ചു.
