കുടിവെള്ളമില്ല.ലക്കിടി ഡയറി പ്രോജക്ടില്‍ താമസിക്കുന്ന 30 അദിവാസി കുടുംബങ്ങള്‍ ദുരിതത്തില്‍.
പ്രളയം കഴിഞ്ഞതിനു ശേഷം അധികൃതര്‍ ആരും തിരിഞ്ഞു നോക്കിയിട്ടില്ലെന്നാണ് ഇവരുടെ പരാതി.മാസങ്ങളോളമായി ലക്കിടി ഡയറി പ്രോജക്ടില്‍ 8ാം വാര്‍ഡില്‍ താമസിക്കുന്ന 30 ഓളം അദിവാസി കുടുംബങ്ങള്‍ കുടിവെള്ളത്തിനായി നെട്ടോട്ടമോടുന്നത്. പ്രളയബാധിത പ്രദേശമാണിത്.കുടിവെള്ള പ്രശ്‌നമാണ് ഇവര്‍ നേരിടുന്ന പ്രധാന പ്രശ്‌നം.ഉരുള്‍പൊട്ടിയ ഭാഗത്തുനിന്നും ഇടക്കു കിട്ടുന്ന വെള്ളമാണ് ഇവരുടെ ഏക ആശ്രയം. സമീപത്തെ കിണര്‍ വൃത്തിയാക്കി നല്‍കാമെന്ന് പഞ്ചായത്തില്‍ നിന്ന് പറഞ്ഞിരുന്നുവെങ്കിലും ഇതുവരെയായിട്ടും ചെയ്തിട്ടില്ല.പ്രൊമോട്ടര്‍മാരുണ്ടെങ്കിലും തിരിഞ്ഞു നോക്കുന്നില്ല.ഈ സാഹചര്യത്തില്‍ എന്ത് ചെയ്യണമെന്നറിയാതെ ബുദ്ധിമുട്ടിലായിരിക്കുകയാണ് ഇവിടത്തെ കുടുംബങ്ങള്‍ ബന്ധപ്പെട്ട അധികാരികള്‍ ഇടപെട്ടു ഇവരുടെ പ്രേശ്‌നത്തിന് പരിഹാരം കാണണമെന്നാണ് ഇവരുടെ ആവശ്യം
