കല്‍പ്പറ്റ : ജൂനിയര്‍ ചേംബര്‍ ഇന്റര്‍നാഷണല്‍ ദേശീയ പ്രസിഡന്റ് ഷിരീഷ് ഡുണ്ടു വയനാട് ജെസിഐ പ്രവര്‍ത്തകരെ സന്ദര്‍ശിച്ചു. കല്‍പ്പറ്റ ഗ്രീന്‍ ഗേറ്റ് ഹോട്ടലില്‍ വെച്ചു നടന്ന ചടങ്ങിന് ജെസിഐ കല്‍പ്പറ്റ നേതൃത്വം നല്‍കി. സുല്‍ത്താന്‍ ബത്തേരി, മീനങ്ങാടി, മാനന്തവാടി, പുല്‍പള്ളി എന്നിവിടങ്ങളിലെ ജെസിഐ പ്രവര്‍ത്തകരും പങ്കെടുത്തു. വയനാട് ജില്ലയിലെ പിന്നോക്കം നില്‍ക്കുന്ന വിദ്യാര്‍ഥികളെ സഹായിക്കാന്‍ പദ്ധതികള്‍ ആവിഷ്‌കരിക്കാന്‍ മുന്‍കൈ എടുക്കുമെന്ന് ദേശീയ പ്രസിഡന്റ് പറഞ്ഞു. സോണ്‍ പ്രസിഡന്റ് ജെയ്സണ്‍ തോമസ്, വൈസ് പ്രസിഡന്റ് പ്രവീണ്‍ പി പി എന്നിവര്‍ സന്നിഹിതരായിരുന്നു. ജെസിഐ കല്‍പ്പറ്റ പ്രസിഡന്റ് വിനീത് കെവി അധ്യക്ഷത വഹിച്ചു.
അനൂപ് കെ സ്വാഗതവും, റെനില്‍ മാത്യൂസ് നന്ദിയും പറഞ്ഞു.രൂപേഷ് കെ ഡേവിഡ്, ഷിജു, കുര്യാക്കോസ്,സേവിയര്‍, വര്‍ഗീസ് വൈദ്യര്‍, ശ്രീജിത്ത് ടിഎന്‍,മനു, ഡോക്ടര്‍ ഷാനവാസ് പള്ളിയാല്‍,ഷമീര്‍ പാറമ്മല്‍, രാധാകൃഷ്ണന്‍, റോയ് ജോസഫ്, എല്‍ദോ,സജീഷ്, ജിഷാദ്, ഷാജി പോള്‍, ജയന്‍ കോണിക എന്നിവര്‍ സംസാരിച്ചു.
