കര്‍ഷകരെ ദ്രോഹിക്കുന്നതില്‍ ബി.ജെ.പിക്കും കോണ്‍ഗ്രസിനും ഒരേ നയമെന്ന് മുഖ്യമന്ത്രി പിണറായി വിജയന്‍. വര്‍ഗീയതക്കെതിരെ പോരാടാന്‍ കോണ്‍ഗ്രസ്സിന് സാധിച്ചിട്ടുണ്ടോ എന്ന് മുഖ്യമന്ത്രി ചോദിച്ചു. ബാബ്രി മസ്ജിദ് തകര്‍ക്കാന്‍ കോണ്‍ഗ്രസ്സ് കൂട്ടുനിന്നുവെന്ന് പിണറായി. അമിത്ഷാ വയനാട് ജനതയെ അപമാനിച്ചെന്നും അമിത് ഷായ്ക്ക് വയനാടിനെക്കുറിച്ച് ഒന്നുമറിയില്ലെന്നും വര്‍ഗീയ വിഷം ചീറ്റുന്നതാണ് അമിത്ഷായുടെ പ്രസംഗമെന്നും മുഖ്യമന്ത്രി പറഞ്ഞു. കല്‍പ്പറ്റയില്‍ എല്‍.ഡി.എഫിന്റെ തിരഞ്ഞെടുപ്പ് റാലിയില്‍ സംസാരിക്കുകയായിരുന്നു അദ്ദേഹം.
