സ്വന്തം പാര്‍ട്ടിയുടെ ജനപ്രതിനിധിയെ തട്ടിക്കൊണ്ടു പോയി തടവിലാക്കി ബത്തേരി മുനിസിപ്പാലിറ്റിയില്‍ അവിശ്വാസ പ്രമേയം പരാജയപ്പെടുത്തിയ ബി.ജെ.പി ജില്ലാ നേതൃത്വത്തിന്റെ പ്രവര്‍ത്തനം ആശങ്ക ജനകവും,പ്രതിഷേധാര്‍ഹവുമെന്ന് അന്താരാഷ്ട്ര ഹിന്ദു പരിഷത്ത് ജില്ലാ കമ്മറ്റി ഭാരവാഹികള്‍ ബത്തേരിയില്‍ വാര്‍ത്താ സമ്മേളനത്തില്‍ കുറ്റപ്പെടുത്തി. ആക്റ്റിവിസ്റ്റുകളെ ശബരിമല സന്നിധാനത്ത് പ്രവേശിപ്പിച്ച് വിശ്വാസ സമൂഹത്തിന്റെ ആചാര അനുഷ്ഠാനങ്ങള്‍ക്ക് വിലങ്ങുതടിയായി പ്രവര്‍ത്തിച്ച കമ്യൂണിസ്റ്റ് പ്രസ്ഥാനത്തെ ന്യായീകരിക്കുകയാണ് ബി.ജെ.പി നേതൃത്വം ചെയ്തതെന്നും , ഇത് വിശ്വാസികളോടുള്ള വെല്ലുവിളിയാണെന്നും നേതാക്കള്‍ ആരോപിച്ചു.
