ഭൗമ സൂചിക പദവിയുള്ള വയനാടന്‍ റോബസ്റ്റ കാപ്പിക്ക് വലിയ പ്രചാരം നല്‍കിയതിന് വയനാട്ടിലെ മൂന്ന് മാധ്യമ പ്രവര്‍ത്തകര്‍ക്ക് കേന്ദ്ര- വാണിജ്യ മന്ത്രാലയത്തിന് കീഴിലെ കോഫീ ബോര്‍ഡിന്റെ പുരസ്‌കാരം ദേശീയ മാധ്യമ വിഭാഗത്തില്‍ ഇ.എം മനോജ് (ദി ഹിന്ദു ),പ്രാദേശിക മാധ്യമ വിഭാഗത്തില്‍ സി.വി.ഷിബു ( വയനാട് വിഷന്‍ ),ഓണ്‍ലൈന്‍ വിഭാഗത്തില്‍ സി.ഡി.സുനീഷ് (എന്‍ മലയാളം ന്യൂസ് എഡിറ്റര്‍) എന്നിവര്‍ക്കാണ് കോഫീ ബോര്‍ഡ് ഓഫ് ഇന്ത്യ പുരസ്‌കാരം നല്‍കിയത്. കോഫീ ബോര്‍ഡ് സെക്രട്ടറി ഡോ. കെ.ജി.ജഗദീഷയുടെ നിര്‍ദ്ദേശാനുസരണം കല്‍പ്പറ്റയില്‍ പ്രത്യേകമായി സംഘടിപ്പിച്ച ചടങ്ങില്‍ കോഫീ ബോര്‍ഡ് ജോയിന്റ് ഡയറക്ടര്‍ ഡോ. കറുത്ത മണി, ഡെപ്യൂട്ടി ഡയറക്ടര്‍ ഡോ. ഡാനിയേല്‍ എന്നിവര്‍ മൂന്ന് പേരെയും പൊന്നാട അണിയിച്ച് പുരസ്‌കാരം സമ്മാനിച്ചു.
