ഗുണ്ടാപ്രവര്‍ത്തനങ്ങള്‍ അമര്‍ച്ച ചെയ്യുന്നതിന്റെ ഭാഗമായി യുവാവിനെ കാപ്പ ചുമത്തി ജയിലിലടച്ചു. ബത്തേരി കുപ്പാടി സ്വദേശി തയ്യില്‍ വീട്ടില്‍ സുബൈര്‍ എന്ന സുബീര്‍(26)നെയാണ് ജയിലിലടച്ചത്. വയനാട് ജില്ലാ പോലീസ് മേധാവി പദം സിങ് സമര്‍പ്പിച്ച റിപ്പോര്‍ട്ടിന്റെ അടിസ്ഥാനത്തില്‍ ജില്ലാ കലക്ടറാണ് ഉത്തരവിറക്കിയത്.
ജില്ലയിലെ വിവിധ പോലീസ് സ്റ്റേഷനുകളിലും, എക്‌സൈസ് വകുപ്പിന് കീഴിലും ഇയാള്‍ വിവിധ കേസുകളില്‍ പ്രതിയാണ്. ബത്തേരി എസ്.എച്ച്.ഒ എം.എ. സന്തോഷിന്റെ നേതൃത്വത്തിലുള്ള പോലീസ് സംഘമാണ് ഇയാളെ അറസ്റ്റ് ചെയ്തത്.
