ജില്ലാ പോലീസ് മേധാവി പദം സിംഗിന്റെ നേതൃത്വത്തിലുള്ള ലഹരി വിരുദ്ധ പോലീസ് സേനാംഗങ്ങളും, മീനങ്ങാടി എസ്.എച്ച്.ഒ ബിജു ആന്റണിയുടെ നേതൃത്വത്തിലുള്ള മീനങ്ങാടി പൊലീസും സംയുക്തമായി ഇന്ന് പുലര്‍ച്ചെ മീനങ്ങാടി ടൗണില്‍ നടത്തിയ പരിശോധനയിലാണ് എംഡിഎം എ യുമായി യുവാവും യുവതിയും പിടിയിലായത്. കെ.എല്‍.02.0279 നമ്പര്‍ ജീപ്പില്‍ കല്‍പ്പറ്റ ഭാഗത്തു നിന്നും സുല്‍ത്താന്‍ ബത്തേരി ഭാഗത്തേക്ക് വരികയായിരുന്ന കൊടുവള്ളി, വാണിപുരം ഈര്‍ച്ച തടത്തില്‍ മുനീര്‍ (32), ആസാം, ഗോസായ് ,ബോറഗാവ് മറീന ബീഗം (19) എന്നിവരാണ് പിടിയിലായത്. ഇവരില്‍ നിന്നും 5.71 ഗ്രാം എം.ഡി.എം.എ ആണ് കണ്ടെടുത്തത്. പരിശോദനാസംഘത്തില്‍ എ.എസ്.ഐ സബിത, സി.പി ഒ മാരായ സതീഷന്‍, ഗോപകുമാര്‍, സ്‌പെഷ്യല്‍ കോഡിലെ ഉനൈസ്, എന്നിവരുമുണ്ടായിരുന്നു.
