ലൈഫ് ഭവനപദ്ധതി അട്ടിമറിക്കുന്ന പഞ്ചായത്ത് നിലപാട് അവസാനിപ്പിച്ച് ഭൂരഹിത, ഭവനരഹിതര്‍ക്ക് വിടും സ്ഥലവും നല്‍കുക, 5-ാം വാര്‍ഡില്‍ സ്വകാര്യവ്യക്തിക്ക് റോഡ് നിര്‍മ്മിച്ച് നല്‍കിയത് അന്വേഷിക്കുക, അടച്ചുപൂട്ടിയ ബഡ്സ് സ്‌കൂള്‍ തുറന്നുപ്രവര്‍ത്തിക്കുക, ഡയാലിസിസ് സെന്റര്‍ പ്രവര്‍ത്തനം തുടങ്ങുക തുടങ്ങിയ ആവശ്യങ്ങള്‍ ഉന്നയിച്ച് സിപിഐഎം വടുവന്‍ചാല്‍ അരപ്പറ്റ ലോക്കല്‍ കമ്മിറ്റികളുടെ നേതൃത്വത്തില്‍ മൂപ്പൈനാട് പഞ്ചായത്ത് ഓഫീസ് ഉപരോധിച്ചു. മുന്‍എംഎല്‍എയും സിപിഎം സംസ്ഥാന കമ്മിറ്റി മെമ്പറുമായ സികെ ശശീന്ദ്രന്‍ ഉദ്ഘാടനം ചെയ്തു. പിസി ഹരിദാസന്‍ അധ്യക്ഷനായിരുന്നു. വി ഹാരിസ്, റിയാസ് തുടങ്ങിയവര്‍ സംസാരിച്ചു.
