വയനാട് എക്സൈസ് സ്പെഷ്യല്‍ സ്‌ക്വാഡിലെ പ്രിവന്റീവ് ഓഫീസര്‍ വിനീഷ് പിഎസും സംഘവും ബത്തേരി കുപ്പാടി കോട്ടക്കുന്ന് ഭാഗത്ത് നടത്തിയ പരിശോധനയില്‍ വില്‍പ്പനക്കായി സൂക്ഷിച്ച 16.8 ലിറ്റര്‍ ഇന്ത്യന്‍ നിര്‍മ്മിത വിദേശ മദ്യം പിടികൂടി.സംഭവത്തില്‍ പൊഴുതന കറുവന്‍ത്തോട് ഭരാമനിലയം വീട്ടില്‍ രാജേഷ്‌കുമാര്‍(43) എന്നയാളെ അറസ്റ്റ് ചെയ്ത് അബ്കാരി കേസ് എടുത്തു. പ്രതിയെ കോടതിയില്‍ ഹാജരാക്കി റിമാണ്ട് ചെയ്തു.പ്രിവന്റീവ് ഓഫീസര്‍ ഹരിദാസന്‍ എം.ബി,സിവില്‍ എക്സൈസ് ഓഫീസര്‍മാരായ രഘു.വി,അന്‍വര്‍.സി,ജലജ എം.ജെ എന്നിവര്‍ പരിശോധന സംഘത്തിലുണ്ടായിരുന്നു.
