പുല്‍പ്പള്ളി ഗ്രാമപഞ്ചായത്തില്‍ ആരംഭിച്ച ജലനിധി പദ്ധതിയുടെ ഉദ്ഘാടനവും സ്നേഹ വീടിന്റെ താക്കോല്‍ ദാനവും വ്യവസായ കായിക വകുപ്പ് മന്ത്രി ഇ.പി ജയരാജന്‍ ഉദ്ഘാടനം ചെയ്തു. ഐ.സി ബാലകൃഷ്ണന്‍ എം.എല്‍.എ അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡണ്ട് ടി.എസ്. ദീലിപ് കുമാര്‍, ഗ്രാമ പഞ്ചായത്ത് പ്രസിഡണ്ട് ബിന്ദു പ്രകാശ് എന്നിവര്‍ സംസാരിച്ചു. ചടങ്ങില്‍ സംസ്ഥാന സ്‌കൂള്‍ കലോത്സവത്തില്‍ വിജയികളായ വിദ്യാര്‍ത്ഥികളെ ഉപഹാരം നല്‍കി ആദരിച്ചു. ഉദ്ഘാടനത്തിന്റെ ഭാഗമായി കുടുംബശ്രീ അംഗങ്ങളുടെ നേതൃത്വത്തില്‍ റാലിയും നടത്തി.
