മുത്തങ്ങ എക്സൈസ് ചെക്പോസ്റ്റില്‍ അതിമാരക മയക്കുമരുന്നായ എക്സ്റ്റസി പില്‍സ് പിടികൂടി.എക്സൈസ് ഇന്റലിജന്‍സ് ടീമിനൊപ്പം നടത്തിയ വാഹന പരിശോധനയിലാണ് 3.44 ഗ്രാം എക്സ്റ്റസി പില്‍സും 5 ഗ്രാം കഞ്ചാവും കണ്ടെടുത്തു.സംഭവത്തില്‍ ആന്ധ്രപ്രദേശ് സ്വദേശിയായ വീര റെഡ്ഡി(26) എന്നയാളെ എക്സൈസ് സംഘം അറസ്റ്റ് ചെയ്തു. ഈ മയക്ക് മരുന്ന് മോളി എന്നും അറിയപ്പെടുന്നു.എക്സ്റ്റസി പില്‍സ് 0.5 ഗ്രാം പോലും കൈവശം വയ്ക്കുന്നത് പത്തുവര്‍ഷം തടവ് ശിക്ഷ കിട്ടാവുന്ന കുറ്റമാണ്.എക്സൈസ് സര്‍ക്കിള്‍ ഇന്‍സ്പെക്ടര്‍ ഷറഫുദ്ദീന്‍.ടി,എക്സൈസ് ഇന്‍സ്പെക്ടര്‍ സുനില്‍ എം.കെ,പ്രിവന്റ്റ്റീവ് ഓഫീസര്‍മാരായ അനില്‍കുമാര്‍,ജി.പ്രഭാകരന്‍ പി.കെ, അജീഷ് ടി.ബി,സിവില്‍ എക്സൈസ് ഓഫീസര്‍മാരായ ബാലകൃഷ്ണന്‍ എം.കെ ശ്രീജ മോള്‍,അനിത എം എന്നിവര്‍ പങ്കെടുത്തു.
