പുല്‍പ്പള്ളി: അരിവാള്‍ രോഗികള്‍ക്ക് പാര്‍ശ്വഫലങ്ങളില്ലാത്ത പ്രകൃതിദത്ത മരുന്നുകള്‍ നല്‍കി സാന്ത്വന ചികിത്സയുമായി സിസ്റ്റര്‍ ഇന്നസെന്റ് ഇന്ത്യയിലെ വിവിധ സംസ്ഥാനങ്ങള്‍ സന്ദര്‍ശിച്ച് അരിവാള്‍ രോഗികള്‍ക്ക് മരുന്നുണ്ടാക്കി നല്‍കി അവരെ സുഖപ്പെടുത്തി. 75-ാം വയസ്സിലും ആതുര സേവന രംഗത്ത് നിറസാന്നിധ്യമാകുകയാണ് സിസ്റ്റര്‍. ഇന്നും ജില്ലയിലുടനീളം ഓടിയെത്തി രോഗികള്‍ക്ക് മരുന്നുണ്ടാക്കി നല്‍കുന്നുണ്ട.് കൂടാതെ മരുന്നുണ്ടാക്കാന്‍ രോഗികളെ തന്നെ പരിശീലിപ്പിച്ച് അവരുടെ ആരോഗ്യം സംരക്ഷിക്കാന്‍ നിര്‍ദ്ദേശം നല്‍കുകയാണ്. ഫിലിപ്പന്‍ ജപ്പാന്‍ കമ്മ്യൂണിറ്റി ഹെല്‍ത്ത് ആന്റ് ഇന്റര്‍നാഷണല്‍ ഡെവലപ്മെന്റിന്റെ മികച്ച പ്രവര്‍ത്തനത്തിനുള്ള അംഗികാരവും സിസ്റ്റര്‍ക്ക് ലഭിച്ചിട്ടുണ്ട്.
