കഞ്ചാവ് കടത്തുന്നതിനിടെ യുവാവിനെ എക്സൈസ് പിടികൂടി. മലപ്പുറം മഞ്ചേരി സ്വദേശി സല്‍മാനുള്‍ ഫാരിസ്(22) ആണ് എക്സൈസിന്റെ പിടിയിലായത്. വയനാട് എക്സൈസ് ഡെപ്യൂട്ടി കമ്മീഷണര്‍ക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് വടുവന്‍ചാല്‍ ചോലാടി പാലത്തിന് സമീപത്ത് വെച്ച് ഇന്നലെ വൈകിട്ടോടെയാണ് ഇയാള്‍ എക്സൈസിന്റെ പിടിയിലാവുന്നത്. ഇയാളില്‍ നിന്ന് 3.300 കിലോ ഗ്രാം കഞ്ചാവ് പിടികൂടി. കഞ്ചാവ് കടത്താന്‍ ശ്രമിച്ച ഇരുചക്രവാഹനവും എക്സൈസ് കസ്റ്റഡിയിലെടുത്തു. എക്സൈസ് എന്‍ഫോഴ്സമെന്റ് ആന്റ് ആന്റി നര്‍കോട്ടിക് സ്‌ക്വഡ് ഇന്‍സ്പെക്ടര്‍ എം.റെജി ലാല്‍, പ്രിവന്റിവ് ഓഫീസര്‍ പി.കെ.പ്രഭാകരന്‍, സി.ഇ.ഒമാരായ എ.മുജിബ് റഹ്മാന്‍, കെ.വി. പ്രകാശന്‍, മിഥുന്‍, എ. അനില്‍, പ്രിവന്റിവ് ഓഫീസര്‍ പി.കെ. പ്രഭാകരന്‍, പി.എസ്. സുശാന്ത, ഡബ്ല്യൂ.സി. ഇ.ഒ ശ്രീജ മോള്‍ തുടങ്ങിയവരുടെ നേതൃത്വത്തിലാണ് പിടികൂടിയത്.
Good