നിലവിലെ ബസ് ചാര്‍ജ് വര്‍ധനവ് കെഎസ്ആര്‍ടിസിയെ സഹായിക്കാനാണെന്ന് സ്വകാര്യബസ്സ് ഉടമകള്‍. തങ്ങളുടെ പ്രധാന ആവശ്യങ്ങളിലൊന്നായ വിദ്യാര്‍ത്ഥികളുടെ കണ്‍സഷന്‍ വര്‍ദ്ധിപ്പിക്കാതെ മുന്നോട്ട് പോകാനാവില്ലന്നും ഉടമകള്‍. ഇക്കാര്യം സര്‍ക്കാര്‍ പുനപരിശോധിക്കണമെന്നും ആവശ്യം.കഴിഞ്ഞ ദിവസം എല്‍ഡിഎഫ് യോഗം ചേര്‍ന്ന് ബസ് ചാര്‍ജ്ജ വര്‍ധിപ്പിച്ചതുമായി ബന്ധപ്പെട്ടാണ് നിലവില്‍ ആക്ഷേപവുമായി സ്വകാര്യബസ്സ് ഉടമകള്‍ രംഗത്തെത്തിയിരിക്കുന്നത്. നിലവിലെ ബസ് ചാര്‍ജ്ജ് വര്‍ദ്ധനവ് കെഎസ്ആര്‍ടിസിയെ സഹായിക്കാനാണെന്നാണ് ആരോപണം ഉയരുന്നത്.
ഉടമകള്‍ പ്രധാന ആവശ്യമായി സര്‍ക്കാറിനുമുന്നില്‍ ഉയര്‍ത്തികാണിച്ച വിദ്യാര്‍ഥികളുടെ കണ്‍സഷന്‍ ചാര്‍ജ് വര്‍ദ്ധിപ്പിക്കാന്‍ തയ്യാറായിട്ടില്ല. കെഎസ്ആര്‍ടിസി വിദ്യാര്‍ഥി കണ്‍സഷന്‍ നല്‍കാത്ത സാഹചര്യ്ത്തില്‍ ഇപ്പോഴത്തെ ചാര്‍്ജ്ജ് വര്‍ദ്ധനവ് അവര്‍ക്കായിരിക്കും ഗുണംചെയ്യുക എന്നാണ് ഉടമകള്‍ ചൂണ്ടികാണിക്കുന്നത്. കാലോചിതമായി വിദ്യാര്‍ഥി കണ്‍സഷന്‍ വര്‍ദ്ധിപ്പിക്കാത്തതിനാല്‍ ഉടമകള്‍ക്ക് ലഭിക്കേണ്ട് 25 ശതമാനം കണ്‍ഷനില്‍ പതിനൊന്ന് ശതമാനമാത്രമാണ് ലഭിക്കുന്നത്. നിലവിലെ ഇന്ധന വില അനുസരിച്ച് ഈ തുകവാങ്ങികൊണ്ട് സ്വകാര്യബസ് മേഖലയെ മുന്നോ്ട്ട് കൊണ്ടുപോകാന്‍ ആകില്ലന്നും ഉടമകള്‍ പറയുന്നു. തങ്ങളുടെ പ്രധാന ആവശ്യങ്ങളില്‍ ഒന്നായിരുന്ന വിദ്യാര്‍ഥി കണ്‍സഷന്‍ വര്‍ദ്ധിപ്പിച്ച് ഈ മേഖലയെ സംരക്ഷിക്കാന്‍ സര്‍്ക്കാര്‍ തയ്യാറാകണമെന്നാണ് ഉടമകള്‍ ആവശ്യപ്പെടുന്നത്.
