ലോകപ്രമേഹ ദിനമായ നവംബര്‍ 14ന് വിപുലമായ ബോധവത്കരണ പരിപടികളുമായി ആരോഗ്യ വകുപ്പ്. കുടുംബവും പ്രമേഹവും എന്ന മുദ്രവാക്യമുയര്‍ത്തിയാണ് ഇത്തവണ പ്രമേഹ ദിനം ആചരിക്കുക. ലോക പ്രമേഹദിന ജില്ലാതല പരിപാടിയുടെ ഉദ്ഘാടനം 14ന് കല്‍പ്പറ്റ മുനിസിപ്പല്‍ ടൗണ്‍ ഹാളില്‍ ജില്ലാ പഞ്ചായത്ത് പ്രസിഡണ്ട് കെ.ബി നസീമ ഉദ്ഘാടനം ചെയ്യും. ജില്ലാ ആരോഗ്യ വകുപ്പിന്റെയും ശ്രീ ചിത്തിര തിരുനാള്‍ ഇന്‍സ്റ്റിറ്റ്യൂട്ടിന്റെയും സംയുക്താഭിമുഖ്യത്തില്‍ രാവിലെ 9 മണിക്ക് കല്‍പ്പറ്റയില്‍ ബോധവല്‍കരണ ജാഥ നടത്തും.
