ജില്ലയിലെ പ്രസിദ്ധമായ തോണിച്ചാല്‍ ശ്രീ മലക്കാരി ശിവക്ഷേത്രം തിറ മഹോത്സം 14, 15 തീയ്യതികളിലായി നടക്കും. കൊവിഡ് മാനദണ്ഡങ്ങള്‍ പാലിച്ചായിരിക്കും തിറ മഹോത്സവം നടത്തുകയെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.ഫെബ്രുവരി 16 ന് രാവിലെ മലയിലേക്കും ഒതയോത്ത് കരിങ്കാളി ക്ഷേത്രത്തിലേയ്ക്കും മടക്കി എഴുന്നള്ളത്തും നടക്കുന്നതോടെ ഈ വര്‍ഷത്തെ തിറ മഹോത്സവം സമാപിക്കുമെന്നും ഭാരവാഹികള്‍ പറഞ്ഞു.
ഫെബ്രുവരി 14 ന് രാവിലെ 5 മണിക്ക് കഴകം ഉണര്‍ത്തലും വേലയും നടക്കും 6 മണിക്ക് കൊടിയേറ്റം നടക്കും വൈകീട്ട് 3 മണിക്ക് മലയില്‍ നിന്നും എഴുന്നള്ളത്തും 6.30 ന് ദീപാരാധനയും ഭണ്ഡാരം എഴുന്നള്ളത്തും നടക്കും. ഫെബ്രുവരി 15 ന് പുലര്‍ച്ചെ 3 മണിക്ക് കുംഭം എഴുന്നള്ളത്ത് നടക്കും. രാവിലെ 8 മണിക്ക് ദേവി ദേവന്മാരുടെ വെള്ളാട്ടുകള്‍ നടക്കും. തുടര്‍ന്ന് പുലിച്ചാടിച്ചി മുത്താച്ചി, പുള്ളിയാളന്‍, പുള്ളിയാരതന്‍, തിറകളും കഴകത്തേക്ക് കുംഭം എഴുന്നള്ളത്തും വൈകീട്ട് 4 മണിക്ക് പ്രധാന തിറയായ മലക്കാരി തിറയും നടക്കും. മലക്കാരി തിറക്ക് ശേഷം കാളിയാരതന്‍, വേട്ടക്കാളന്‍, അതിരാളന്‍, മുത്തപ്പന്‍ തിറകളും നടക്കും. ഫെബ്രുവരി 16 ന് രാവിലെ മലയിലേക്കും ഒതയോത്ത് കരിങ്കാളി ക്ഷേത്രത്തിലേയ്ക്കും മടക്കി എഴുന്നള്ളത്തും നടക്കുന്നതോടെ ഈ വര്‍ഷത്തെ തിറ മഹോത്സവം സമാപിക്കുമെന്നും ഭാരവാഹികള്‍ പറഞ്ഞു. വാര്‍ത്താസമ്മേളനത്തില്‍ അഖില്‍ പ്രേം സി, ഒ.കെ.പ്രേംജിത്ത്, പി.എം. മഹേഷ്, കെ.വി.രാധാകൃഷ്ണന്‍, വി.ജി.തുളസിദാസ്, പി.ജി. അനൂപ്, പി.വി. വിവേക് തുടങ്ങിയവര്‍ പങ്കെടുത്തു.
