മൃഗസംരക്ഷണ വകുപ്പിന്റെ താറാവ് ഗ്രാമം പദ്ധതിക്ക് മുള്ളന്‍കൊല്ലി ഗ്രാമപഞ്ചായത്തില്‍ തുടക്കമായി. നൂറ് കര്‍ഷകര്‍ക്ക് പത്ത് താറാവ് കുഞ്ഞുങ്ങളെ വീതം വിതരണം ചെയ്തു. മുട്ട ഉല്‍പാദനത്തില്‍ സ്വയം പര്യാപ്തത കൈവരിക്കുകയാണ് പദ്ധതിയുടെ ലക്ഷ്യം. മൃഗസംരക്ഷണ വകുപ്പിന്റെ അംഗീകാരമുള്ള തിരുവല്ല സക്ക് എഗ്ഗര്‍ നഴ്‌സറിയില്‍ നിന്ന് എത്തിച്ച 60 ദിവസം പ്രായമുള്ള താറാവ് കുഞ്ഞുങ്ങളെയാണ് വിതരണം ചെയ്യുന്നത്. ഗ്രാമപഞ്ചായത്ത് വൈസ് പ്രസിഡണ്ട് ശിവരാമാന്‍ പാറക്കുഴി പദ്ധതി ഉദ്ഘാടനം ചെയ്തു. ഗ്രാമപഞ്ചായത്തംഗം തോമസ് പാഴൂക്കാല, ഡോ കെ.എസ്. പ്രേമന്‍.എന്നിവര്‍ സംസാരിച്ചു.
