ബലാത്സംഗത്തിനിരയായ പെണ്‍കുട്ടി ആത്മഹത്യചെയ്ത കേസില്‍ പ്രതി കുറ്റക്കാരനെന്ന് കോടതി കണ്ടെത്തി. ഇയാള്‍ക്കുള്ള ശിക്ഷ ഇന്നു വിധിക്കും. ചീരാല്‍ കൊഴുവണ ചേനോത്ത് സി.പി. റോയി(36) യെയാണ് അഡീഷണല്‍ ഡിസ്ട്രിക്ട് ആന്റ് സെഷന്‍സ് ജഡ്ജ് കെ. രാമകൃഷ്ണന്‍ കുറ്റക്കാരനെന്ന് കണ്ടെത്തിയത്. 2010 ജൂണ്‍ 28 നാണ് കേസിനാസ്പദമായ സംഭവം. പ്ലസ്‌വണ്‍ വിദ്യാര്‍ത്ഥിനിയെ വീട്ടില്‍ ആത്മഹത്യ ചെയ്ത നിലയില്‍ കണ്ടെത്തുകയായിരുന്നു. അതേ സമയം വിചാരണ ആരംഭിച്ച കേസില്‍ വിചാരണ നടപടികള്‍ നിര്‍ത്തി വെച്ച് ഒരു പ്രതിയെ മാപ്പുസാക്ഷിയാക്കി എന്ന അപൂര്‍വ്വതയും ഈ കേസിനുണ്ട്.
