തലച്ചോറിന് ഗുരുതര രോഗം ബാധിച്ച് ചികിത്സയില്‍ കഴിയുന്ന യുവാവിന് സഹായവുമായി നീര്‍മാതളം പൂത്തപ്പോള്‍ വാട്‌സാപ്പ് കൂട്ടായ്മ പ്രവര്‍ത്തകര്‍ .വിജയ ഹയര്‍സെക്കന്‍ഡറി സ്‌കൂളില്‍ 1989 – 90 എസ്എസ്എല്‍സി ബാച്ചിലെ പൂര്‍വ വിദ്യാര്‍ത്ഥികളാണ് നീര്‍മാതളം പൂത്തപ്പോള്‍ എന്ന വാട്‌സ്ആപ്പ് ഗ്രൂപ്പിലൂടെ സ്വരൂപിച്ച ചികിത്സ സഹായവുമായി പുല്‍പ്പള്ളി കാപ്പി സെറ്റ് തെരുവ് മലയില്‍ ജിനോയിയുടെ വീട്ടിലെത്തിയത്. കൂട്ടായ്മ അംഗങ്ങളുടെ നേതൃത്വത്തില്‍ സ്വരൂപിച്ച ഒരു ലക്ഷത്തി പതിനയ്യായിരം രൂപയുടെ ചെക്ക് പുല്‍പ്പള്ളി ഗ്രാമപഞ്ചായത്ത് പ്രസിഡണ്ട് ടി എസ് ദിലീപ് കുമാര്‍ ജിനോയിക്ക് കൈമാറി. ഗ്രാമ പഞ്ചായത്ത് മെമ്പര്‍ മണി പാമ്പനാല്‍, കെ കെ ജിജിമോന്‍, കെപി ദിനേശ്, കെ എസ് രേവതി,വി ആര്‍ വിനോദ്, എം പി രാജന്‍, ഇ വി ബെന്നി, പി എസ് സുനില്‍, കെ കൃഷ്ണന്‍കുട്ടി എന്നിവര്‍ നേതൃത്വം നല്‍കി.
