ബത്തേരി കൊളഗപ്പാറ ചൂരിമലയില്‍ വീണ്ടും പശുവിനെ കടുവ കൊന്നു. ചൂരിമല താണാട്ടുകൂടിയില്‍ രാജന്റെ പശുവിനെയാണ് കഴിഞ്ഞ ദിവസം രാത്രിയോടെ കടുവ കടിച്ചു കൊന്ന് തിന്നത്. കെട്ടിയിട്ട പശുവിനെ കാണാതായതിനെ തുടര്‍ന്ന് നാട്ടുകാര്‍ നടത്തിയ തിരച്ചിലിലാണ് ബിനാച്ചി എസ്റ്റേറ്റില്‍ പശുവിനെ പകുതിയോളം കടിച്ചു കൊന്ന് തിന്ന നിലയില്‍ കണ്ടെത്തിയത്. കഴിഞ്ഞ ശനിയാഴ്ചയും ഇവിടെ പശുവിനെ കടുവ കടിച്ചു കൊന്നിരുന്നു. സംഭവത്തില്‍ പ്രതിഷേധിച്ച് നാട്ടുകാര്‍ വനപാലകരെ തടഞ്ഞു.
