ബത്തേരി ഓടപ്പള്ളത്ത് വാഹനത്തിലെത്തിച്ച വാഷും,വാറ്റുപകരണങ്ങളും എക്സൈസ് പിടികൂടി.ഇന്ന് പുലര്‍ച്ചെ ഓടപ്പള്ളം പുതുവീട് പണിയ കോളനിക്ക് സമീപത്തു വച്ചാണ് ഓട്ടോ ഗുഡ്സും വാഷും, വാറ്റുപകരണങ്ങളും ബത്തേരി എക്സൈസ് സര്‍ക്കിള്‍ ഇന്‍സ്‌പെക്ട്‌റുടെ നേത്യത്വത്തിലുള്ള സംഘം പിടികൂടിയത്.വാഹനത്തില്‍ നിന്നും 185 ലിറ്റര്‍ വാഷും,വാറ്റുപകരണങ്ങളും കണ്ടെടുത്തു.സംഭവത്തില്‍ വാഹന ഉടമ പഴേരി തോട്ടുങ്കല്‍റ്റി അലവി(38)ക്കെതിരെ അബ്കാരി കേസ് രജിസ്ട്രര്‍ ചെയ്തു.എക്സൈസ് സംഘം എത്തിയപ്പോള്‍ ഇയാള്‍ ഓടി രക്ഷപ്പെട്ടുവെന്ന് ഉദ്യോഗസ്ഥര്‍ അറിയിച്ചു. ബത്തേരി എക്സൈസ് സര്‍ക്കിള്‍ ഇന്‍സ്പെക്ട്ര് കെ.ഡി സതീശന്‍,പ്രീപ്രിവന്റീവ് ഓഫിസര്‍ വിജയകുമാര്‍ കെ.വി,സിവില്‍ എക്സൈസ് ഓഫീസര്‍മാരായ,ശശികുമാര്‍.പി.എന്‍.വിജിത്ത്,കെ.ജി.രഘു,കെ.കെ ബാലചന്ദ്രന്‍ എന്നിവരുടെ നേതൃത്വത്തിലുള്ള സംഘമാണ് വാഷും,വാറ്റുപകരണങ്ങളും പിടികൂടിയത്.
