മേപ്പാടി ചൂരല്‍മല പുഴയില്‍ രാസ മാലിന്യം കലര്‍ന്നുവെന്ന സംശയത്തെ തുടര്‍ന്ന് ആരോഗ്യവകുപ്പധികൃതര്‍ പുഴവെള്ളം പരിശോധനയ്ക്കായി ശേഖരിച്ചു. ഏതോ രാസവസ്തു (കീടനാശിനി) സൂക്ഷിച്ച പാത്രം പുഴവെള്ളത്തില്‍ കഴുകിയതാണെന്ന് സംശയം. വെള്ളത്തില്‍ പത കണ്ടതിനെ തുടര്‍ന്ന് നാട്ടുകാര്‍ ആരോഗ്യവകുപ്പധികൃതരെ വിവരം അറിയിക്കുകയായിരുന്നു. കഴിഞ്ഞ ദിവസം വൈകുന്നേരമാണ് വെള്ളത്തിന് നേരിയ നിറംമാറ്റം ആളുകളുടെ ശ്രദ്ധയില്‍പ്പെട്ടത്
