തിരുനെല്ലി പഞ്ചായത്തില്‍ മഹാത്മാ ഗാന്ധിദേശിയ ഗ്രാമീണ തൊഴില്‍ ഉറപ്പു പദ്ധതിയുടെയും, ആദിവാസി സമഗ്ര വികസന പദ്ധതിയുടെയും ഭാഗമായി സംസ്ഥാനത്ത് ആദ്യമായി കുടുംബശ്രി വഴി നടപ്പാക്കുന്ന എങ്കള പണി പദ്ധതിക്ക് തുടക്കമായി.
തിരുനെല്ലി പഞ്ചായത്തിലെ കുതിരക്കോട് മാന്ദാനംകുന്ന് കോളനിയില്‍ എം എല്‍ എ .ഒ ആര്‍കേളു പരിപാടി ഉദ്ഘാടനം ചെയ്തു.തിരുനെല്ലി പഞ്ചായത്ത് പ്രസിഡന്റ് .ജി. മായാദേവി അധ്യക്ഷത വഹിച്ചു.തിരുനെല്ലി സിഡിഎസ് വേണ്ടറായി പഞ്ചായത്തിലെ പണിയ, അടിയ, കാട്ടുനായ്ക്ക വിഭാഗത്തിലെ ആദിവാസി ജന വിഭാഗങ്ങളുടെ ഉന്നമനത്തിന് വേണ്ടിയാണ് പദ്ധതി നടപ്പിലാക്കുന്നത്. 400 ഓളം കുടുംബങ്ങള്‍ക്ക് ഈ പദ്ധതിയിലുടെ പശു തൊഴുത്ത്,ആട്ടിന്‍ കൂട് എന്നിവ നിര്‍മ്മിച്ച് നല്‍കും. കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍ സജിത, അസ്സി. കോ -ഓര്‍ഡിനേറ്റര്‍ ഹാരിസ് തൊഴിലുറപ്പ് ജില്ലാ ഓഫീസര്‍ മജിദ്, സി ഡി എസ് ചെയര്‍പേഴ്‌സണ്‍ റുഖിയ സൈനുദീന്‍ ആദിവാസി സമഗ്ര വികസന പദ്ധതി കോ -ഓര്‍ഡിനേറ്റര്‍ സായ് കൃഷ്ണന്‍, കെ.അനന്തന്‍ നമ്പ്യാര്‍, ഗോപി വി.കെ.വിഷ്ണു എന്നിവര്‍ സംസാരിച്ചു.
