സ്വര്‍ണ്ണക്കള്ളകടത്ത് കേസില്‍ അറസ്റ്റിലായ സ്വപ്ന സുരേഷ് തന്റെ മൊഴിയില്‍ മുഖ്യമന്ത്രിയുടെ അറിവോടെയാണ് തന്റെ നിയമനമെന്ന് ഇഡിക്ക് മൊഴിനല്‍കിയ സാഹചര്യത്തില്‍ മുഖ്യമന്ത്രി രാജിവെക്കണമെന്നാവശ്യപ്പെട്ട് യുഡിഎഫ് ബത്തേരി നിയോജകമണ്ഡലം കമ്മറ്റിയുടെ നേതൃത്വത്തില്‍ നഗരസഭ ഓഫീസിനുമുന്നില്‍ പ്രതിഷേധ ധര്‍ണ്ണ നടത്തി. കെ. പിസിസി വൈസ് പ്രസിഡണ്ട് കെ.സി റോസക്കുട്ടി ടീച്ചര്‍ ഉദ്ഘാടനം ചെയ്തു. പി പി അയ്യൂബ് അധ്യക്ഷനായിരുന്നു. എന്‍ എം വിജയന്‍, ബാബു പഴുപ്പത്തൂര്‍, എം എ അസൈനാര്‍ തുടങ്ങിയവര്‍ സംസാരിച്ചു.
