കല്‍പ്പറ്റ: ആശ്രയ അനാഥരില്ലാത്ത ഭാരതം വയനാട് ജില്ലാ കമ്മറ്റിയുടെ ആഭിമുഖ്യത്തില്‍ സ്വാതന്ത്ര്യ സമര സേനാനിയായ കെ.ഇ.മാമ്മന്‍ മാപ്പിളയുടെ ഓര്‍മ്മദിനം സമുചിതമായി കളക്ടറേറ്റില്‍ വെച്ച് ആചരിച്ചു. മാമ്മന്‍ മാപ്പിളയുടെ സ്മരണാര്‍ത്ഥം പ്ലാവിന്‍ തൈ നട്ടു കൊണ്ട് ജില്ലാ കലക്ടര്‍ എസ്.അജയകുമാര്‍ ഉദ്ഘാടന പരിപാടി ഉദ്ഘാടനം ചെയ്തു.അനാഥരില്ലാത്ത ഭാരതം വയനാട് ജില്ലാ സെക്രട്ടറി സന്തോഷ് ആചാരി സ്വാഗതം പറഞ്ഞു. ജില്ലാ പ്രസിഡന്റ് കെ.സജിത്കുമാര്‍ അധ്യക്ഷത വഹിച്ചു. ജില്ലാ കോ-ഓര്‍ഡിനേറ്റര്‍ മാര്‍ഗരറ്റ് തോമസ് പ്രൊജക്ട് വിശദീകരണം നടത്തി. രമ ഹരിഹരന്‍, എം. തുളസി, ജോയി നടവയല്‍, മനോജ് നടവയല്‍, റി സാനത്ത് സലീം, കെ.രാജു എന്നിവര്‍ പ്രസംഗിച്ചു.
