ലോക്ക്ഡൗണ്‍ കാലയളവില്‍ യാത്ര നിശ്ചയിച്ചു വിമാന ടിക്കറ്റ് എടുത്തിരുന്ന എല്ലാ യാത്രക്കാര്‍ക്കും മുഴുവന്‍ തുകയും മടക്കി നല്‍കണമെന്ന പൊതുതാല്‍ പര്യഹര്‍ജി സുപ്രിംകോടതി ഇന്ന് പരിഗണിക്കും. പ്രവാസി ലീഗല്‍ സെല്‍ സമര്‍പ്പിച്ച ഹര്‍ജി, ജസ്റ്റിസ് അശോക് ഭൂഷണ്‍ അധ്യക്ഷനായ ബെഞ്ചാണ് പരിഗണിക്കുന്നത്. എല്ലാ വശവും പരിശോധിച്ച ശേഷം നിലപാട് അറിയിക്കാന്‍ കഴിഞ്ഞതവണ കോടതി കേന്ദ്രസര്‍ക്കാരിന് നിര്‍ദേശം നല്‍കിയിരുന്നു. വിമാനക്കമ്പനികളോടും നിലപാട് തേടിയിരുന്നു.
