200 കിലോമീറ്റര്‍ പരമാവധി വേഗത അനുവദിച്ച റോഡിലൂടെ 278 കിലോമീറ്റര്‍ വേഗതയില്‍ കാര്‍ ഓടിച്ചതിന് ഷാര്‍ജ പോലീസ് നടപടി എടുത്തത് രണ്ട് വകുപ്പുകള്‍ ചേര്‍ത്ത്.വഴിയോരങ്ങളില്‍ സ്ഥാപിക്കപ്പെട്ടതും സഞ്ചരിച്ചിക്കുന്നതുമായ റഡാറുകള്‍ ഉപയോഗിച്ചാണ് നിയമലംഘനം പിടികൂടിയതെന്ന് ഷാര്‍ജ പോലീസ് അറിയിച്ചു.278 കിലോമീറ്റര്‍ വേഗതയില്‍ കാര്‍ ഓടിച്ച വ്യക്തിക്ക് വേഗത പരിധി ലംഘിച്ചതിന് 3,000 ദിര്‍ഹം പിഴയും 23 ബ്ലാക്ക് പോയിന്റുകള്‍ നല്‍കുകയും ചെയ്തു. വാഹനം 60 ദിവസം നിരത്തിലിറക്കാനും പറ്റില്ല. കൂടാതെ, പരിധിക്ക് അപ്പുറത്തേക്ക് 60 കിലോമീറ്ററില്‍ അധികം കൂടിയതിനാല്‍ 2,000 ദിര്‍ഹം പിഴയും 12 ബ്ലാക് പോയിന്റുകളും ലഭിച്ചു. 30 ദിവസം ഈ വകുപ്പിലും വാഹനം പിടിച്ചു വെച്ചു.
