വയനാട്ടില്‍ വീണ്ടും കൊവിഡ് സ്ഥിരീകരിച്ച ഗര്‍ഭിണിക്ക് സിസേറിയന് നടത്തി.അമ്മയും കുഞ്ഞും സുഖമായിരിക്കുന്നു. ഇന്ന് രാവിലെ 10.30തോടെയാണ് ജില്ലാ ആശുപത്രി പ്രത്യേകം സജ്ജമാക്കിയ ഓപ്പറേഷന്‍ തിയേറ്ററില്‍ വെച്ച് ഓപ്പറേഷന്‍ നടത്തിയത്. തോല്‍പ്പെട്ടി സ്വദേശിയായ 34വയസ് പ്രായമുള്ള സ്ത്രിക്കാണ് സിസേറിയന് നടത്തിയത്.യുവതി പെണ്‍കുഞ്ഞിനാണ് ജന്മം നല്‍കിയത്.
ഈ മാസം നാലാം തീയ്യതിയായിരുന്നു കൊവിഡ് സ്ഥിരീകരിച്ചതിനെ തുടര്‍ന്ന് മാനന്തവാടി ജില്ലാ ആശുപത്രിയിലെ കൊറോണ വാര്‍ഡില്‍ പ്രവേശിപ്പിച്ചത്.ഗൈനക്കോളജി ഡോക്ടര്‍ ദീപ്തി രാഘവന്‍, അനസ്‌തേഷ്യ ഡോക്ടര്‍ വി.പി.ഉസ്മാന്‍ ,സ്റ്റാഫ് നഴ്‌സ് പി.എ. ബിന്ദു തുടങ്ങിയവര്‍ സിസേറിയന് നേതൃത്വം നല്‍കി.കഴിഞ്ഞ ദിവസം ജില്ലാശുപത്രിയില്‍ കൊവിഡ് സ്ഥിരീകരിച്ച് ഗര്‍ഭിണിയായ യുവതിക്ക് സിസേറിയന് നടത്തിയിരുന്നു.
