മഹീന്ദ്ര മാര്‍ഷല്‍ ജീപ്പില്‍ രഹസ്യ അറയില്‍ ഒളിപ്പിച്ചു കടത്താന്‍ ശ്രമിച്ച 8100 പാക്കറ്റ് ഹാന്‍സാണ് മുത്തങ്ങ എക്‌സൈസ് ചെക്ക് പോസ്റ്റ് അധികൃതര്‍ പിടികൂടിയത്. സംഭവത്തില്‍ മലപ്പുറം മഞ്ചേരി സ്വദേശികളായ രണ്ട് പേര്‍ പിടിയില്‍.ഇന്ന് ഉച്ചയോടെയാണ് വാഹന പരിശോധനക്കിടെ മുത്തങ്ങ എക്‌സൈസ് ചെക്ക് പോസ്റ്റില്‍ നിരോധിത പുകയില ഉത്പന്നം പിടികൂടിയത്.
ഗുണ്ടല്‍പേട്ടയില്‍ നിന്നും മഞ്ചേരിക്ക് കടത്താന്‍ ശ്രമിച്ച 8100 പാക്കറ്റ് ഹാന്‍സാണ് പരിശോധനയില്‍ അധികൃതര്‍ പിടികൂടിയത്.സംഭവത്തില്‍ മലപ്പുറം മഞ്ചേരി സ്വദേശികളായ യാസര്‍ (35), റഹീം (31) എന്നിവരെ എക്‌സൈസ് കസ്റ്റഡിയിലെടുത്തു. മഹീന്ദ്ര മാര്‍ഷല്‍ ജീപ്പിന്റെ മുകള്‍ത്തട്ടില്‍ നിര്‍മ്മിച്ച രഹസ്യ അറയില്‍ സൂക്ഷിച്ച നിലയിലായിരുന്നു ഹാന്‍സ്. പിടിച്ചെടുത്ത ഹാന്‍സിന് ഏകദേശം 5 ലക്ഷം രൂപ വിലമതിക്കുമെന്ന് എക്‌സൈസ് അധികൃതര്‍ വ്യക്തമാക്കി. പിടിച്ചെടുത്ത ഉത്പ്പന്നങ്ങളും ആളുകളെയും വാഹനവും പൊലീസിന് കൈ മാറി. ഇന്ന് രണ്ടാം തവണയാണ് നിരോധിത പുകയില ഉത്പന്നങ്ങള്‍ പിടികൂടുന്നത്. എക്‌സൈസ് സര്‍ക്കിള്‍ ഇന്‍സ്‌പെക്ടര്‍
ജുനൈദ്, ഇന്‍സ്‌പെക്ടര്‍ ഹരീഷ് കുമാര്‍ , പി ഇ ഒ മാരായ ടിപി അനീഷ് , പി പി ശിവന്‍, സി ഇ ഒമാരായ ബിനുമോന്‍, അഭിലാഷ് ഗോപി തുടങ്ങിയവരുടെ നേതൃത്വത്തിലാണ് .പുകയില ഉല്‍പന്നങ്ങള്‍ പിടികൂടിയത്.രാവിലെ പാര്‍സല്‍ ലോറിയില്‍ കടത്താന്‍ ശ്രമിച്ച 50 ലക്ഷം രൂപ വരുന്ന 315 കിലോ നിരോധിത പുകയില ഉത്പന്നങ്ങള്‍ പിടികൂടിയിരുന്നു.
