ജില്ലയില്‍ മാവോയിസ്റ്റ് ഭീഷണിയുള്ള 9 പോലീസ് സ്‌റ്റേഷനുകള്‍ക്ക് പ്രത്യേക സുരക്ഷ ഏര്‍പ്പെടുത്തി. ഇടവേളക്ക് ശേഷം വയനാട്ടില്‍ വീണ്ടും മാവോയിസ്റ്റ് സാന്നിധ്യം ഉണ്ടായ സാഹചര്യത്തിലാണ് പോലീസ് സ്‌റ്റേഷനുകള്‍ക്ക് സുരക്ഷ വര്‍ദ്ധിപ്പിക്കുന്നത്.വൈത്തിരി മേപ്പാടി, മാനന്തവാടി, തൊണ്ടര്‍നാട്, വെള്ളമുണ്ട, പുല്‍പ്പള്ളി കേണിച്ചിറ, പടിഞ്ഞാറത്തറ,തലപ്പുഴ
സ്റ്റേഷനുകള്‍ക്കാണ് അധിക സുരക്ഷ ഏര്‍പ്പെടുത്തിയത്.
കൊവിഡ് പ്രോട്ടോക്കോള്‍ പാലനം ഉള്‍പ്പെടെ അധിക ജോലിഭാരം ഏറ്റെടുക്കേണ്ടി വന്നതോടെ പതിവ് സുരക്ഷാസംവിധാനങ്ങളില്‍ പോരായ്മ വന്നതാവാം മാവോയിസ്റ്റുകള്‍ വീണ്ടും സജീവമാകാന്‍ കാരണമെന്ന വിലയിരുത്തലാണ് പോലീസ്. നാടുകാണി കബനി ദളങ്ങളുടെ മാവോയിസ്റ്റ് കേഡറ്റുകളാണ് ആദിവാസി കോളനികളിലും റിസോര്‍ട്ടുകളും സന്ദര്‍ശിക്കുന്നത് എന്നാണ് കരുതുന്നത്. കഴിഞ്ഞയാഴ്ച അടുത്തടുത്ത ദിവസങ്ങളില്‍ മാവോയിസ്റ്റുകള്‍ തൊണ്ടര്‍നാട് വെള്ളമുണ്ട സ്റ്റേഷന്‍ പരിധിയില്‍ പ്രവേശിച്ചിരുന്നു
