പുല്‍പ്പള്ളി ഭൂതാനത്ത് കേരള ഖാദി ഗ്രാമ വ്യവസായ ബോര്‍ഡിന്റെ കീഴിലുള്ള നവീകരിച്ച ഖാദി ഉല്‍പ്പാദന കേന്ദ്രം കെട്ടിടത്തിന്റെയും ഖാദി വ്യവസായ യൂണിറ്റിന്റെയും ഉദ്ഘാടനം പനമരം ബ്ലോക്ക് പഞ്ചായത്ത് പ്രസിഡന്റ് ടി.എസ്.ദിലീപ് കുമാര്‍ നിര്‍വഹിച്ചു.ഖാദി ഓണംമേള ഉദ്ഘാടനം ഗ്രാമ പഞ്ചായത്ത് പ്രസിഡന്റ് ബിന്ദു പ്രകാശ് നിര്‍വഹിച്ചു
ഖാദി ഉല്‍പ്പാദന കേന്ദ്രത്തിന് പനമരം ബ്ലോക്ക് പഞ്ചായത്തിന്റെ 2019-20 വികസന പദ്ധതിയില്‍ ഉള്‍പ്പെടുത്തി 15 ലക്ഷം രൂപ ചിലവിലാണ് നവീകരണ പ്രവൃത്തി നടത്തിയത്. വര്‍ഷങ്ങള്‍ക്കുശേഷം പുനരാരംഭിച്ച ഖാദി നെയ്ത്ത് കേന്ദ്രത്തില്‍ 33-യോളം ജീവനകാര്‍ക്ക് തൊഴില്‍ ലഭ്യമാക്കിയാണ് ഖാദി നെയ്ത്ത് കേന്ദ്രത്തിന്റെ പ്രവര്‍ത്തനം ആരംഭിച്ചതെന്ന് ബ്ലോക്ക് പഞ്ചായത്ത് പ്രസിഡന്റ് ടി.എസ്.ദിലീപ് കുമാര്‍ പറഞ്ഞു. ബ്ലോക്ക് പഞ്ചായത്ത് വൈസ്പ്രസിഡന്റ് കെ.കുഞ്ഞായിഷാ, ബ്ലോക്ക് പഞ്ചായത്ത് അംഗങ്ങളായ ജയന്തി രാജന്‍, മേഴ്‌സി ബെന്നി, ഗ്രാമ പഞ്ചായത്ത് അംഗം എം.ഡി.കരുണാകരന്‍, മണി ഇല്ല്യമ്പം, ബേബി, സുധാകരന്‍ എന്നിവര്‍ പ്രസംഗിച്ചു.
