തലപ്പുഴയില്‍ തെരുവ് നായ ശല്യം രൂക്ഷം

0

തലപ്പുഴയില്‍ തെരുവ് നായ ശല്യം രൂക്ഷം. വ്യാപാരിയും ആദിവാസി ബാലനുമടക്കം നാല് പേര്‍ക്ക് നായയുടെ ആക്രമണത്തില്‍ പരിക്ക്. ഇവരെ ജില്ലാ ആശുപത്രിയില്‍ പ്രവേശിപ്പിച്ചു. തെരുവ് നായ ശല്യം രൂക്ഷമായിട്ടും പരാതിപ്പെട്ടിട്ടും നടപടി ഇല്ലെന്നും ആരോപണം.ആക്രമിച്ചത് ഭ്രാന്തന്‍ നായയാണോ എന്ന സംശയം നിലനില്‍ക്കുന്നതിനാല്‍ തലപ്പുഴയിലും പരിസരത്തും ആശങ്കയും നിലനില്‍ക്കുന്നു.

ഇന്ന് രാവിലെയോടെയാണ് തെരുവ് നായയുടെ ആക്രമണം ഉണ്ടായത്.രാവിലെ കമ്പി പാലത്ത് ബസ് കയറാന്‍ നിന്ന ഇടിക്കര ആലായിക്കല്‍ ജയറാമിനെ നായ കടിച്ചു. തുടര്‍ന്ന് തലപ്പുഴ ടൗണില്‍ പച്ചക്കറി കച്ചവടം നടത്തുന്ന അയിനിക്കാടന്‍ മുഹമ്മദിനെ കടയില്‍ കയറി അക്രമിച്ചു.തുടര്‍ന്ന് കുറ്റിയോട്ട് കോളനിയിലെത്തിയ നായ മുറ്റത്ത് കളിച്ചു കൊണ്ടിരുന്ന സിനുവിന്റെ മകന്‍ നാല് വയസുള്ള സായന്തിനെ കടിക്കുകയായിരുന്നു.ഇതിനിടയില്‍ രാവിലെ ഇടിക്കര വെള്ളപ്പനാട്ട് വിന്‍സെന്റിനെയും നായ കടിച്ചു.നാല് പേരെയും വിന്‍സെന്റ് ഗിരി ആശുപത്രിയില്‍ പ്രവേശിപ്പിച്ചു.

Leave A Reply

Your email address will not be published.

error: Content is protected !!