ജില്ലയിലെ സാമൂഹ്യ അടുക്കളക്കായി രാഹുല്‍ഗാന്ധി എം.പി 13 മെട്രിക് ടണ്‍ അരി നല്‍കിയതായി ജില്ലാ കളക്ടര്‍ അറിയിച്ചു.ഒരോ പഞ്ചായത്തുകള്‍ക്കും 500 കിലോ അരി വീതം ലഭിക്കും. ഇതോടൊപ്പം സാമൂഹ്യ അടുക്കളക്ക് 50 കിലോ വീതം കടലയും വന്‍പയറും നല്‍കും.എപ്രില്‍ 8 ന് രാവിലെ 10 ന് കല്‍പ്പറ്റ നഗരസഭ ചെയര്‍മാനും മൂപ്പൈനാട് പഞ്ചായത്ത് പ്രസിഡന്റിനും നല്‍കി വിതരണത്തിന് തുടക്കം കുറിക്കുമെന്ന് കളക്ടര്‍ പറഞ്ഞു.പച്ചക്കറി വിത്തുകള്‍ വിതരണം ചെയ്യും.നമ്മുടെ കൃഷി നമ്മുടെ ആരോഗ്യം പദ്ധതി പ്രകാരം വീടുകളില്‍ പച്ചക്കറി വിത്തുകള്‍ വിതരണം ചെയ്യുമെന്ന് ജില്ലാ കളക്ടര്‍ അറിയിച്ചു.സന്നദ്ധ പ്രവര്‍ത്തകരെ ഉപയോഗിച്ചാണ് വിത്തുകളും ചെറിയ ചെടികളും വിതരണം ചെയ്യുക.
