ജില്ലയിലെ ആദിവാസി സമൂഹത്തിനെ എല്ലാ വിഷയങ്ങളിലും മുന്‍പന്തിയില്‍ എത്തിക്കാന്‍ വേണ്ടിയുള്ള പദ്ധതികള്‍ നടപ്പിലാക്കുമെന്ന് സി.കെ ശശീന്ദ്രന്‍ എം.എല്‍.എ. മുത്തങ്ങ സമരത്തില്‍ പങ്കെടുത്ത ഭൂരഹിതരായ പട്ടിക വര്‍ഗ്ഗക്കാര്‍ക്കുള്ള കൈവശ രേഖാ വിതരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം .മുത്തങ്ങ ഭൂസമരത്തില്‍ പങ്കെടുത്ത 56 പേര്‍ക്ക് ഓരോ ഏക്കര്‍ വീതം ഭൂമി കൈമാറി കൈവശ രേഖ നല്‍കി .മൂന്ന് താലുക്ക് കളില്‍ ഏഴ് വില്ലേജുകളിലായിട്ടാണ് ഭൂമി കണ്ടെത്തിയിട്ടുള്ളത്‌ .ചടങ്ങില്‍ ജില്ലാ കളക്ടര്‍ എസ് സുഹാസ് അദ്ധ്യക്ഷത വഹിച്ചു.വൈത്തിരി പഞ്ചായത്ത് പ്രസിഡണ്ട് വി.ഉഷാകുമാരി ,വൈത്തിരി തഹസില്‍ദാര്‍ കൃഷ്ണന്‍ നമ്പൂതിരി തുടങ്ങിയവര്‍ സംബന്ധിച്ചു .
