പോക്സോ കേസ് പ്രതിക്ക് ജില്ലാ പോക്സോ കോടതി 20 വര്‍ഷം തടവും, അമ്പതിനായിരം രൂപ പിഴയും വിധി്ച്ചു. വാകേരി മടൂര്‍കുന്ന് ചിറക്കേപറമ്പത്ത് വിജയനാണ് ജില്ലാ പോക്സോ കോടതി ജഡ്ജി കെ.രാമകൃഷ്ണന്‍ ശിക്ഷ വിധിച്ചത്. വിവിധ വകുപ്പുകളിലാണ് ശിക്ഷ.ശിക്ഷാ കാലാവധി ഒന്നിച്ചനുഭവിച്ചാല്‍മതിയാവും. മീനങ്ങാടി പൊലീസ് സ്റ്റേഷന്‍ പരിധിയില്‍ 2014 ല്‍ ബാലികയെ പീഢിപ്പിച്ചതുമായി ബന്ധപ്പെട്ടുള്ള കേസിലാണ് വിധി. മീനങ്ങാടി സി. ഐ റ്റി. എന്‍ സജീവാണ് കുറ്റപത്രം സമര്‍പ്പിച്ചത്. പ്രോസിക്യൂഷനുവേണ്ടി സ്പെഷ്യല്‍ പബ്ലിക് പ്രോസിക്യൂട്ടര്‍ എം. ജി സിന്ധു ഹാജരായി.
